生命之源 ཚེ་སྲོག་གི་འབྱུང་རྩ།
 作词 : 白玛旦增
 作曲 : 白玛旦增
 ཚིག པདྨ་བསྟན་འཛིན།
 གདངས། པདྨ་བསྟན་འཛིན།
 ལེན་མཁན། པདྨ་བསྟན་འཛིན་དང་ནོར་སྒྲོན།
 ༡
 ས་མཐོའི་སྟེང་གི་རྡོ་རྐང་གཅིག་ཡིན་ན་ཡང་།
 དེ་ནི་ས་གཞི་རིལ་མོའི་ནོར་བུ་ཡིན།
 གངས་རིའི་སྟེང་གི་ཆུ་ཐིགས་གཅིག་ཡིན་ན་ཡང་།
 དེ་ནི་ང་ཚོའི་ཚེ་སྲོག་གི་འབྱུང་རྩ་ཡིན།
 རི་སྔོན་པོ་ཆུ་དྭངས་མོ།
 དེ་ནི་གསེར་རི་དངུལ་རི་ཡིན་ལ།
 གངས་རི་དང་འཁྱགས་རོམ་ཡང་།
 རྩ་ཆེ་བའི་གསེར་རི་དངུལ་རི་ཡིན།
 ས་ཆུ་མེ་རླུང་བཞི་ལས་གྲུབ་པའི།
 ས་གཞིའི་སྟེང་གི་ཡོད་ཚད་ཚང་མ།
 རིན་ཐང་བྲལ་བའི་ནོར་བུ་ཡིན་པས།
 དེ་ལ་གཅེས་འཛིན་བྱེད་རྒྱུ་ང་ཚོའི་འོས་འགན།
 ༢
 རྩྭ་ཐང་སྟེང་གི་རྩྭ་རྐང་གཅིག་ཡིན་ན་ཡང་།
 དེ་ནི་སྔོ་ལྗང་གི་ལང་ཚོ་རེད།
 གོ་ལའི་སྟེང་གི་འབུ་སྲིན་གཅིག་ཡིན་ན་ཡང་།
 དེ་ནི་ང་ཚོ་མིའི་རིགས་ཀྱི་གྲོགས་པོ་ཡིན།
 བྱ་སྲེག་པ་གླང་པོ་ཆེ།
 ཁོ་གཉིས་བརྩེ་བའི་གཅེན་གཅུང་ཡིན་ལ།
 རི་བོང་དང་སྤྲེའུ་ནི།
 ཤ་ཚ་བའི་གྲོགས་པོ་བློས་ཐུབ་ཡིན།
 མཐུན་པ་སྤུན་བཞི་ལྟ་བུའི་བརྩེ་བ།
 ང་ཚོ་མི་དང་སྲོག་ཆགས་བར་ལ།
 རིན་ཐང་བྲལ་བའི་ནོར་བུ་ཡིན་པས།
 དེ་ལ་གཅེས་འཛིན་བྱེད་རྒྱུ་ང་ཚོའི་འོས་འགན།
 ས་ཆུ་མེ་རླུང་བཞི་ལས་གྲུབ་པའི།
 ས་གཞིའི་སྟེང་གི་ཡོད་ཚད་ཚང་མ།
 རིན་ཐང་བྲལ་བའི་ནོར་བུ་ཡིན་པས།
 དེ་ལ་གཅེས་འཛིན་བྱེད་རྒྱུ་ང་ཚོའི་འོས་འགན།
 དེ་ལ་སྲུང་སྐྱོབ་བྱེད་རྒྱུ་ང་ཚོའི་འོས་འགན།