因果
 作词 : 松让降措
 作曲 : 吉秋夺基
ལས་འབྲས།
ཚིག གསུང་རབ་རྒྱ་མཚོ།
དབྱངས། སྐྱེད་མཆོག་རྡོ་རྗེ།
ལེན་མཁན། མགོན་པོ་བསམ་གྲུབ།
࿄࿄࿄
དལ་འབྱོར་གྱི་མི་ལུས་རིན་ཆེན།།
གསེར་དངུལ་གྱིས་དོ་ཟླ་མི་ཡོང་།
རྒྱུ་འབྲས་ཀྱི་བདེ་སྡུག་དེ་དག།
རྒྱལ་ཁྲིམས་གྱིས་བསྒྱུར་བཅོས་མ་ཐུབ།།
རྒྱུ་འབྲས་ཀྱི་བདེ་སྡུག་དེ་དག།
རྒྱལ་ཁྲིམས་གྱིས་བསྒྱུར་བཅོས་མ་ཐུབ།།
࿄࿄࿄
ཉམ་ཆུང་གི་ཚེ་སྲོག་ཕྲ་མོ།།
ཁ་ཟས་ཀྱི་དབང་ལ་མ་རྗོགས།།
འཇིག་རྟེན་གྱི་དམྱལ་བའི་ཡུལ་དུ།།
ཤ་ཁྲག་གིས་བུ་ལོན་འཇལ་དགོས།།
འཇིག་རྟེན་གྱི་དམྱལ་བའི་ཡུལ་དུ།།
ཤ་ཁྲག་གིས་བུ་ལོན་འཇལ་དགོས།།
࿄࿄࿄
ཁམས་གསུམ་གྱི་འགྲོ་བ་མཐའ་དག།
མ་གཅིག་པའི་འདུ་ཤེས་མ་དོར།།
བྱམས་བརྩེ་བའི་རིན་ཐང་ལྡན་ན།།
འཕྲལ་ཕུགས་ཀྱི་རེ་བ་བསྐང་ཡོང་།།
བྱམས་བརྩེ་བའི་རིན་ཐང་ལྡན་ན།།
འཕྲལ་ཕུགས་ཀྱི་རེ་བ་བསྐང་ཡོང་།།
བྱམས་བརྩེ་བའི་རིན་ཐང་ལྡན་ན།།
འཕྲལ་ཕུགས་ཀྱི་རེ་བ་བསྐང་ཡོང་།།
RengTsing文化传媒