作词 : 梁廣宇
作曲 : heavyclub
verse 1：
【宇】 
從前有個仔，佢唔算係好精靈， 
佢曾經諗過成為夜空下一粒周星星 ，
佢想做戲，信一個道理： 
由低去做起，有一日會到你 。
但係生活係個大話， 
有好多人話大下大下就慣啦咁大把， 
人地笑佢太瘋癲： 
喂你咁嘅樣，做啲乜野戲吖仲話演員！ 
即係show hand，佢唔係渣啤煙， 
所以佢做左六年都係做茄哩啡先， 
冇咩錢，冇咩點，最緊要有發揮， 
導演未嗌cut，喂，你點可以躂低？ 
erevything is be ok， 
星啊星，勝在一日梗會高高飛， 
史坦尼斯拉夫斯基，話角色唔重要， 
總要有d人，學識去令觀眾笑。

chorus： 
【周星星】
逝去感情如何留得住~半點癡情遺留殊不易~
更多悽悽慘慘的遭遇~我不知道~

verse 2：
【偉】 
睇翻九十年代嘅港產片， 
個仔卒之有個大版面， 
各位觀眾，五條煙！ 
因為有賭聖出離賺錢賺錢！ 
當年，佢一部發過一部， 
一萬年等一個女人一句鋒芒畢露! 
花都打倒俘虜，夢想變成真， 
巴黎鐵塔反轉再反轉將鐵棒磨成針！ 
生活最逼人，最怕認真， 
穩穩陣陣就攞硬零分， 
係想做一條鹹魚，定想去點石成金? 
李小龍比個指引，對自己一定要誠懇！ 
佢話佢祇係一個演員， 
佢自己果套戲都未演完， 
為演繹有成就冇理由會停手，
就算知道最後，會變成狗。

chorus： 
【周星星】
逝去感情如何留得住~半點癡情遺留殊不易~
更多悽悽慘慘的遭遇~我不知道~

verse 3：
【宇】 
人生有幾多個十年， 
呢個仔唔再後生， 
過左咁多年，好多人叫佢周生， 
有人叫佢收山，有人撐佢啱， 
有幾多人又明白幾多野係由佢揀 。

【偉】 
靓仔有型，係大俠嘅象徵，
大家記得要德藝雙馨， 
呢d咁嘅諗法，你如果係咁諗法， 
我諗你冇咩需要探討人地有咩品格! 

【宇】 
戲如人生個個喺度演，
呢套戲個個都係導演， 
由內而外，要由深到淺， 
講到錢，都係人生一個小數點。 

【偉/宇】 
最後將多謝講多句， 
我多得我童年睇過佢， 
多得佢咁多鋪，指引我行咁多路， 
到底，星星，可否不要老?