迷夜曲
 作词 : 年 森堡
 作曲 : 仁增太
ས་སྲོད་བསླེབས་པ་སྔ་སོང་།
གྲིབ་མ་བོར་སོང་།
གཞས་ལ་འཐིམས་པའི་དྲན་པ།
གྲང་མོ་རླུང་གིས་གཏོར་སོང་།
ཟླ་བ་མག་མོག
མར་ངོའི་ཟླ་བ་མག་མོག
སྨིན་དྲུག་གྲང་འདར་བརྒྱབ་པས་
ཞེ་རྩ་འཁྱག་པས་བཟུང་སོང་།
ཐོ་རེངས། ཐོ་རེངས།
སྐྱེ་བ་གསུམ་ལ་བསྒུག་པའི་རྟ་ཕོ།
ཞོགས་ཉིའི་རྟོད་ཐག་དྲུད་ནས་ཕེབས་ཤོག
࿏
ལོ་ཟླ་བཞུར་བ་མགྱོགས་སོང་།
དྲན་པ་བོར་སོང་།
ལས་ཀྱི་ལམ་ཁར་བརྐོས་པའི་
རྐང་རྗེས་རླུང་གིས་བསེད་སོང་།
ལམ་བུ་ཀྱག་ཀྱོག
མདུན་གྱི་ལམ་བུ་ཀྱག་ཀྱོག
རྨི་ལམ་འཁྱག་པས་བསྡམས་པས།
དར་སོབ་སེམས་སུ་ཉིལ་སོང་།
ཐོ་རེངས། ཐོ་རེངས།
རྩྭ་ཐང་རུམ་ལ་བཅུག་པའི་འབྲོག་ཁྱི།
ལྕགས་ཐག་སིལ་སིལ་གཡུག་ནས་མཆོངས་ཤོག
རྨི་ལམ་འཁྱག་པས་བསྡམས་པས།
དར་སོབ་སེམས་སུ་ཉིལ་སོང་།
ཐོ་རེངས། ཐོ་རེངས།
རྩྭ་ཐང་རུམ་ལ་བཅུག་པའི་འབྲོག་ཁྱི།
ལྕགས་ཐག་སིལ་སིལ་གཡུག་ནས་མཆོངས་ཤོག
࿏