野狼.藏乡
རི་སྤྱང་དང་བོད་པ།    ཚིག ཚེ་དབང་ལྷུན་འགྲུབ།
ཟབ་དོན་གླུུ་རུ་འགུགས་པའི་ཉམས་སྣང་ལས།།
ཁ་བའི་ལས་དབང་དྲན་པའི་ཐོད་དུ་བཏེགས།།
ཤ་ཁྲག་སྒྱྱུ་མའི་ལུས་ཀྱི་ཕུང་བོ་འདི།།
རང་རིགས་རྨོངས་པ་སད་པའི་དོན་ལ་བསྔོ།།
འཇིགས་རུང་སྨུག་པའི་མཚོན་གྱི་དབལ་རྣོ་ཡང་།།
དྭངས་པའི་མཚོ་མོར་རིགས་ཞེན་སྣང་བ་འཕྱོ།།
ལས་རླུང་དར་གྱི་མདུད་པ་མ་གཞིག་བར།།
ལང་ཚོའི་བསིལ་རླུང་ཁ་བའི་ལྗོངས་སུ་འདྲེན།།
གངས་རིའི་ལྗོངས་ཀྱི་དབེན་པའི་རི་ཀླུང་ལ།།
ལྷིང་འཇགས་དཀྲོག་པའི་ང་རོ་གསེང་མཐོར་སྒྲོག།
འགྲོས་མཉམ་གོམས་འགྲོས་འདེགས་འཇོག་དབྱངས་རྟ་དེ།།
རྟོགས་སད་འཕེལ་རྒྱས་བསྙེགས་པའི་ལམ་བུར་འདྲེན།།
འཇིགས་རུང་སྨུག་པའི་མཚོན་གྱི་དབལ་རྣོ་ཡང་།།
དྭངས་པའི་མཚོ་མོར་རིགས་ཞེན་སྣང་བ་འཕྱོ།།
ལས་རླུང་དར་གྱི་མདུད་པ་མ་གཞིག་བར།།
ལང་ཚོའི་བསིལ་རླུང་ཁ་བའི་ལྗོངས་སུ་འདྲེན།།
གངས་རིའི་ལྗོངས་ཀྱི་དབེན་པའི་རི་ཀླུང་ལ།།
ལྷིང་འཇགས་དཀྲོག་པའི་ང་རོ་གསེང་མཐོར་སྒྲོག།
འགྲོས་མཉམ་གོམས་འགྲོས་འདེགས་འཇོག་དབྱངས་རྟ་དེ།།
རྟོགས་སད་འཕེལ་རྒྱས་བསྙེགས་པའི་ལམ་བུར་འདྲེན།། ཞེས་༜ཡངས་པའི་ལམ༜་དུ་འབོད་པས་གླུ་ཚིག་སྦྱར།