现金社会
作词 : ian bird 吴冠亨
作曲 : ian bird 吴冠亨
编: ian bird 吴冠亨

直到这一刻 梦想接近到期
年轻那份盼望 也告终心死
像我这一生 为生计在这地
时光匆匆飞过 后悔这结尾

读书足足用咗我二十年嘅宝贵光阴
浑浑噩噩咁就冇左四分一嘅人生
每次考试之前个礼拜 日以继夜咁温
想要高分 好似六合彩咁 一定冇份
用尽所有嘅办法为咗升间好嘅大学
老豆不惜一切点都要送个仔去外国
见工嗰阵话澳洲返嚟讲句have a good day
点都好过唔识英文讲句what do you say
成日话细个唔读书 大个 听做运输
点知我大学毕业咪又係做份15k文书
每日来回4粒钟 由屯门去金钟
返到屋企都两点几 凉都未冲又要开工
究竟咁样生活落去生命仲有d咩意义  
返工早d放工就ot 仲要笑住对boss
问老闆 下个月 我嘅人工会唔会高d
佢话俾心机d 当係学野 千其唔好讲呢d

直到这一刻 梦想接近到期
年轻那份盼望 也告终心死
像我这一生 为生计在这地
时光匆匆飞过 后悔这结尾

曾几何时有个梦想 
拎个乐坛新人奖或者喺红馆开个唱
我想红隧出入口都有我大头相
大想头 我嘅歌 你地个个都跟住唱
无论三岁八十  揸住支咪就通街busking
唔通呢个係冇后台 入行嘅唯一途径
唔理港九新界 就算喺天桥底都冇所谓
几位哥仔唱几首歌仔自然就有人埋嚟睇
呢个行业唔靠关係唔通就真係冇计
声色艺有齐仲要睇你係边个个仔
女仔 show下条事业线 就可以火速上位
男仔 越骑呢越变态 先有人俾like                 
係香港做音乐可以讲艺术牺牲
辛辛苦苦做首广东歌又揾到几多知音
想追梦但係又惊生活质素唔够隐阵
叫得现今社会唔讲现金唔通讲心

直到这一刻 梦想接近到期
年轻那份盼望 也告终心死
像我这一生 为生计在这地
时光匆匆飞过 后悔这结尾

睇番中学嗰阵啲旧相
见到隔离嗰位 永远都追唔到嘅 女班长
嗰阵我头髮长长 家阵就髮线向上
对住块镜慨叹我嘅年纪已经续渐增长
可能好多人钟意稳稳定定 咁样打工
但係冇变化 嘅生活   我就一定顶吾顺
问屋企 係咪应该辞咗份工去追梦
佢地话  唔好冲动 最紧要准时交家用
又话唔想追梦开口得个讲字 
但係转个头又话 要揾 多d港纸
唔通出世嗰阵唔係含住  金琐匙
就唔配有 梦想呢   两隻字
就算你壮志雄心   眼光几有远见
如果冇钱  你嘅大计相信几难实践
所以话 无论佢到终点 定係佢 起跑先
最紧要係一出世就已经赢在起跑线

直到这一刻 梦想接近到期
年轻那份盼望 也告终心死
像我这一生 为生计在这地
时光匆匆飞过 后悔这结尾

监制:Denny Chiu